GINTO
Gawa daw sa ginto itong ating bansa
lahat ng biyaya’y isinabog sa kanya
mayaman ang lupa, dagat ay sagana
kaya mananakop sa kanya’y nahalina
Itong mga ginto sa bundok itinago
na tila mga buhanging nakasama sa bato
kailangan ng maso upang mapasaiyo
hirap at pagod, minsan pa nga’y dugo
Nang malaman ng tao na ginto pala’y mahal
“lahat mapapasaakin” kanyang nausal
araw at gabi ay laging nagbubungkal
gahamang ugali ay di na naging bawal
Totoong kayamanan ang dulot nito
‘wag lang aabusuhin nating mga tao
malawakang pagbaha, kadalasa’y pagguho
sa maling ginawa mo, lahat tayo apektado
Oo nga’t ginto ay kailangan natin
responsableng pagmimina ang aking hiling
bundok at gubat muling payabungin
upang tayo’y yumaman ng walang nasasaling.
-livingstain™
TAGAWASAK
Ikaw ang tagasira, ikaw ang tagawasak
dagat, hangin, bundok, sabay sabay mong sinaksak
tila isang ibong tinanggalan mo ng pakpak
wala kang tinira kahit kaunting latak
Andaming sisi sa tao’y binabato
laging sinisira kalikasang hapo
bakit hindi mapigil, puso ba nya’y bato
o baka pagbabago ay hindi nya gusto
Tanggapin na nating kalikasa’y sira na
ngunit wag sumuko, tayo’y may magagawa pa
kaysarap isiping tayo’y magkakasama
sa isang paraisong ating nilikha
Kung ikaw ay desidido sa iyong naisin
upang kalikasan ay ating sagipin
‘wag mag-atubiling ako ay himukin
mga kabataan siguradong kasama natin
Dito sa kalikasan lahat tayo’y kabilang
pagsagip sa kanya sa atin nakaatang
munting pasasalamat para sa maylalang
kung saan lahat tayo’y tiyak makikinabang.
-livingstain™
ISANG HAMON
Ako ang kalikasan, ako ang mundo
lahat ng akin binigay ko sa iyo
dagat na malinis at hanging mabango
pati mga puno na sobrang malago
Dumating ang oras, araw ay lumipas
dumami ang mga tao at naging marahas
hindi na nakuntento sa aking lakas
lahat ay kinuha, walang pinalampas
Galit ako sa inyo, galit na galit
wala kayong puso, kayo’y malulupit
damhin nyo ngayon itong tadhanang mapait
hintayin ang ganting sa inyo’y sasapit
Ikaw tao ka, iniinsulto kita
ako’y ililigtas, sabi mo noon pa
ngunit hanggang ngayon, may nangyari na ba
mga plano mo, sa simula lang pala
‘Wag nyo ‘kong subukan, mga taong palaban
kaya ko kayong lunurin don sa tubigan
o dilikaya’y balutin ng karimlan
hanggang sa kayo’y sabay-sabay matauhan
I kaw munting bata, hinahamon kita
obligasyon mo sa akin, iyong gawin na
huwag kang gagawa ng puro simula
Upang di masama sa mga tulad nila.
-livingstain™
ito ay isang lahok sa SARANGGOLA BLOG AWARD II
About A Living Stain 
Base ako! Makabasa nga muna… 😀
you won $500
wow yaman dollars talaga!!!
alam mo naman dito sa kuta ko….
btw ang ganda ng chromite lataks.
ftw!!!
rofl
lmao!
yung kulay lang ang chromite ata tapos ung latak na natira iron na yun.
wow dami mo pala alam sa mga ganyan pede ka scientist!
nyakz, parang alexander graham cracker ba datingan?
Hindi tlaga dapat inaabuso ang yaman ng ating kalikasan…. Aalagaan natin ito para hindi maging sanhi ng trahedya at makasawi pa ng maraming buhay… Kung ano man ang ating kinuha eh dpat meron din tayong ibabalik… Hindi lng kuha ng kuha…. Tama bah? 😀
wala naman kasing dapat abusuhin, hindi lang kalikasan lahat hindi dapat inaabuso.
sana ay may natutunan ka sa tula ko.
ang ganda nito,pre. panalo na lahat ng tutugon at magiging mamababasa ng saranggola. awareness na din sa pangangailangan ng pagtuon ng pansin sa kalikasan.
yung pic,nakakalungkot. iresponsable kasi ang mga kapitalista tapos natatapalan ng pera yung mga ahensya na humahabol sana at nagpapatupad ng batas laban sa mga abusadong pagmimina.
magandang araw!!!
gaya nga ng nasabi ko sa tula ko, matagal ng nakatuon sa kalikasan ang mga tao, matagal ng gustong sagipin ang sinasabing namamatay na nitong anyo, pero ano, may nangyari na ba, hindi bat puro lang tayo simula. salamat sa pagdaan mo duking idol.
sya nga pala, kaya ako nanjan sa larawan ay para icheck yung mga mali ng kapitalista, isa pa, isa ako sa ahensyang sinasabi mong natatapalan, wag kang mag-alala, kaya kong humarap sayo at sabihin HINDI KAMI NATATAPALAN.
SALAMAT sa pagdaan
Oooops.Nahiya akong bigla.Sobrang nakakahiya dahil hindi ko inakala na kasama ka doon sa ahensya.Paumanhin,pre.Nakatutuwang malaman na bahagi ka ng pagtutuwid sa mali na ginagawa ng nakikinabang na kapitalista pero iresponsable naman sa kanilang pinagkakakitaan..Masyado kong tinignan ang kabuuan ng larawan ng kasalukuyang estado ng pamamahala sa sarili kong paningin,hindi ko tuloy nakita yung magandang bahagi na isinusulong ng gaya mo at ng inyong ahensya.
Sa kabilang banda,iniisip ko ring napakalaki pa rin ng pagkukulang ng pamahalaan dahil hindi lang sa industriya ng minahan,malawak pa rin ang ilegal na pagmimina,ilegal logging,pouching at selling ng mga hayup at kung anu ano pang labag sa batas.
Talagang nahiya ako.Pasensya na.Mabuhay ka at dumami pa sana ang taong gaya mo at sampu ng ahensyang iyong kinabibilangan.DENR ba yan pre?
wala yun, hindi naman din kasi masisisi ang karamihan kung nakikita nila ang mas malaking larawan ng gobyernong natatapalan, pero syempre hindi pa din lahat.
tama ka DENR ako, sa sektor ng pagmimina.
Musta naman ang minahan? Hehe good luck.
OT: Ano nga palang favor yun, nag offline kase ako.
ayon minahan pa din.
OT: secret
pinaka-gusto ko ang isang hamon, hindi ko rin ipagkakailang nasa ahensya ako na madalas sabihing natatapalan… mahirap sa parte natin bilang tagasulong ng tinatawag na “sustainable development”, di pa kasi nawawala sa tao ang ipasa ang mali sa isa pang mali, kung may ilan lang na magbubukas ng isipan na hindi lahat p sa atin isisi, sino ba ang may gawa? sino ang sumira?, lahat yan nagsisimula sa indibidwal..
nakakalungkot lang na may mga taong nagtitiis para isulong ang mabuti pero minsan di nabibigyan ng chance na magpaliwanag sa kahalagahan ng ginagampanan nyang tungkulin, natatabunan kasi agad ng panghuhusga.
alam mo ang sarap sabihin at ipagmalaking sa gobyerno tayo nagtatrabaho, ako ipinagmamalaki ko yun at taas noo ko kung sabihin.
regarding sa pagsusulong ng kabutihan para sa kalikasan, bawat indibidwal may obligasyon, sana nga lang hindi puro simula, sana may matapos.
Alvin, huwag na huwag mo na muling ipapamina ang Marinduke dahil kung mangyari ‘yon, tutuliin kita nang sampung beses sa inaakala mo.
Nasira ang aming ilog, may nasawing mga buhay. Bagama’t hindi maitatanggi ang ilan kong kababayan na tumamasa din naman ng ginhawa pero ang lahat ay panandalian lamang. Mas yumaman ang Marcopper Mining Corporation. Hindi detalyado ang pagkakaunawa ko sa nangyari pero ang aking nasaksihan ay sapat nang ebidensiya para masabi kong nawasak ang likas na yaman, pati na rin ang buhay na kasamang binulok ng ganid na pag-iisip.
Tungkol naman sa iyong gawa.
Ito ay kakaiba. Napalutang mo ang iyong kasanayan, naibahagi mo ang iyong karanasan bilang manggagawa sa gobyerno na may kinalamang sa pag-aalaga sa ating pinagkukunang likas na yaman. Nasabi mo rin ang totoong kalagayan ng kalikasan, at kung bakit sa dami ng programang nakalatag, wala rin naman masyadong nangyayari, ang ending, hindi mapigilan ang galit ni INA.
wala na akong nasabi, nasabi mo na lahat e. lolz
Wala na ba? Eh di wala.
goodluck po. galing naman 🙂
salamat
wow ang ganda nito! kaya pala nangungulet ka eh!!! Nako
anong nangungulet, ano to pilitan? hahaha
hinde!!! kung ano ano pinapaste mo sa ym tawa tuloy ako ng tawa lalo na doon sa…
lol
nakow, wag ka maingay baka may magalit saten.
Ako na. Ako na ang insecure. Haha. Walang wala ako pag dating sa tulaan. Feeling ko nung nagsaboy ang matres ng ina ko ng talent sa pagsulat ng tula, busy ako paghahanap ng gwapong sperm cells.
Anyways, dahil nga wala akong ka kwenta kwenta dyan, ang pagtutuunan ko ng pansin ay ang picture.
I layk yer shoes. 😀
promise natakot ako sa dila mo… parang gamit na gamit. hehehehe
thanks sa paglike sa shoes, natatawa ako kasi ayoko sanang isuot ung shoes na un tapos napansin mo pa. hahahaha
wow! makabuluhang paglalahad 🙂 clap clap clap!!!
DENR? buti na lng isa ka sa mga tagapagmina jan at buti na lng din may mga tao pang katulad mo na serbisyong totoo lng walang kinikilingan at walang pinoprotektahan!
mabuhay ka Livingstain at salamat sa pagdaan sa bahay ko hug kita sa blogroll ko parekoy!:-)
tayo ang dapat mangalaga, hindi man malaki ang nagagawa ko sa kumpanya tulad ng mas mataas sa akin, kahit sa kaunting paraan maipakita ko ang aking konting concern siguro ok na yun.
Nung nakita ko ang second photo, naalala ko bigla ang mga nakita ko noong magkaroon ng leakage ng waste galing sa isang minahang pagmamay-ari ng Marcopper Mining sa Boac sa Marinduque. I still remember it vividly. Nakakalungkot ang pangyayaring yun.
Good luck sa mga entry mo sa SBAII, Alvin. Maraming salamat sa muling pagdaan sa blog ko.
walang anuman, maraming salamat din sa pagdaan at comment mo.
like ko yung tula number 2.
matindi ang saltik hehehe pero
ang ganda ng iyong panitik (<ewan ko lang kung may word na ganito hehhe)
mabuhay and good luck!
salamat at nagustuhan mo, masaya akong marinig un.
coolness. mukhang nanggigigil ka sa galit ah. nabiktima nga tayo ng kalikasan, remember the first saranggola blog awarding day? na Ondoy tayo hehehe
dapat sa susunod wala ng bagyo sa awards night.
hindi naman talaga nawawala ang bagyo, pero sana lang mapakaunti ang pinsalang maidudulot nito.
nalungkot ako sa larawan,, hehehe. nakakapuyos ng galit ang mga taong walang pakialam kung masira man ang ating kalikasan.
saludo ako sa mga taong gaya mo na nakalublob man sa maduming ahensiya, taas noo pa ring lumalaban sa kung ano ang tama.
mahusay ang pagkakasalansan parehas pala tayong tagapagtaguyod ng de metrong tulaan. binabati ko lahat ng nakilahahok sa paksang kalikasan ni sir bern. panalo tayo sa labang ito…
nalungkot ako nung sinabi mong nakalublob sa maduming ahensya ang pinagtatrabahuhan ko. hindi ko nagagalit sayo, napapaisip lang ako, marami pa rin siguro akong dapat malaman.
nagagandahan kasi ako sa tulang may sukat at taludturan, una mahirap gumawa ng tula, ano pa kaya kung iispin mo ang dulo na dapat ay magtatapos sa isang tugma.
mabuhay tayo.
Tama kailangan nating mahalin at pangalagaan ang kalikasan dahil nakakatakot itong maningil 😦
matagal na nating nililigtas ang ating likas na yaman, kailangan na lang natin ngayon ay determinasyon at pagpupursige na kailangan talagang gawin at tapusin, hindi yung puro simula lang at awa.
salamat sa pagdaan.
magandang araw po! 🙂 ang gusto ko po talaga sa unang tula eh, may metaphor. nahambing nyo po ang kalikasan natin saa Pilipinas sa isang gintong may halaga,may ganda, naabuso, at unti-unting nauubos. Siguro ang 1st poem ay nagawa sa kadahilanang meron po talaga kayong inclination sa pagmimina. Ang gusto ko naman sa sa 2nd poem, eh meron pong pagpapaalala sa kasalanan, responsibilidad,at magagawa pa ng tao para sa kalikasan..at yung 3rd poem namn ang pinakamaabagsik. 🙂 wala lng,pinaka-like ko yung 3rd poem. 🙂
God bless po sa patimpalak! 🙂
Salamat po pala sa pagbisita sa aking blog. 🙂
natutuwa ako at nakitaan mo ng metaphor ang una kong tula kahit na hindi ko intensyon na ipakita yun hahahaha… salamat at ikaw pa ang nakakita kesa saken… hihihi
sa pangalawa naman, siguro hindi naman na kailangan ng tagapagpaalala diba kasi masyado ng kitang kita at ramdam na ramdam.
gusto ko ung pangatlo mong sinabi. apir and thank you.
ang ganda nito sir, nung binabasa ko yung GINTO para ng naririnig ko ang mga alingawngaw ng maso sa pagpukpok. Ginton nga ang ating bansa, pero kadalasan tayo din ang TAGAWASAK para akong inuusig dito. At sa HAMON na iyong iniwan sir mag-iisip ngang tunay kung hakbang pasulong ba o lakad patalikod ang gagawin ng bawat isa.
God bless po sa entry niyo sa SBA!
salamat sa pagbasa, ano pa kaya ang kulang sating mga tao para marealize naten na malapit na…
magaling magaling! 🙂
salamat salamat
totoo lahat ang iyong tinuran tungkol sa kagimbal-gimbal na estado ng kalikasan….SAKIM…naging sakim ang mga tao…kaya sa kalaunan naubos na rin ang yaman ng Inang Kalikasan….
major! major! entry ito…
madaming solusyon di ba, tamad lang talaga.
..ang sobrang abuso sa mga bagay sa ating mundo, hindi man ngayon darating ang panahon mararamdaman natin ang magiging resulta nito. Kung ang lahat ng kabataan ay may ganyang kamulatan kahit papano mababawasan ang umaabuso at sa kalaunan sigurado wala ng matitirang tao na mananamantala sa biyayang bigay satin.
salamat sa pagdaan. ingat palagi at sana magkaroon tayo ng madaming pagmamahal sa kalikasan.
Igan Livingstain, gusto ko ang tatlong tula. Nakakakonsensha. Tama ka na wag lang sa salita samahan ng gawa. Isa kang makata sa makabagong panahon.
ohhh touch naman ako, salamat po at nagustuhan nyo. sana dumating ang panahon na hindi na tayo makukunsensya dahil wala ng dahilan para makunsensya pa-dahil nagawa na natin ang dapat gawin.
galing naman talaga ng title holder sa category ng Tula…
all compliments has been said…nice manong alvino..
🙂
maraming salamat
Whew! Na-miss ko bumisita dito Kuya Alvin. Hehe.
Tulad ng dati magaling ka pa din mag-sulat. hehe
DeejSpeaks: Keeping in touch…
ikaw kasi kung saan saan ka nagpupunta.
salamat sa pagdaan, aral mabuti.
palakpakan!!!
ikaw ay isang tunay na makata!!! hehehhe
salamat sa pagpapaalalang maata ako, ayoko sanang maniwala pero sige na nga. nyekz
alam mo alvin, dahil dito sa blog entry mo na to naalala ko yong case sa didipio kasibu.
may mga nagmimina rin kase dun. pero may isang tao na lantarang lumalaban dito. sabi nya, “alam naming ang aming lugar ay nakahimlay sa ginto. pero mas gusto naming pinasin ang ginti kesa sa hukayin ito sa lupa. kapag kase pinitas namin ito, tiyak na maaabutan pa ng aming mga apo ang ginto dito sa lupain namin. kapag hinukay namin ito ngayon, ano pa ang aabutang ginto ng susunod na henerasyon”
alam mo tama siya, kase isa ang taon iyon sa may pinakamalawak na citrus plantation sa kasibu at ang gintong binabanggit nya ay ang bunga ng citrus. bakit nga naman sisirain ang kalikasan. gigibain ang bundok at lilimasin ang tonetoneladang lupa para lamang makakuha ng ilang gramo ng ginto.
kumusta naman ang pinaglalaban nya, hindi pweding hindi minahin ang mga ginto, gaya nga ng sinabi ko sa nakaraan kong blog, ang isang lugar na hindi nililinang ang likas na yaman ay parang isang lugar na sobrang ganda pero walang isa mang nakakakita nito.
kapag hindi minina ang isang lugar na pinaghihinalaang nagtataglay ng malaking deposito ng ginto ay rin tama dahil lalaki ng lalaki ang ginto hanggang kainin na nito ang lupa, gusto mo bang mangyari yun, maging ginto ang bansang pilipinas, wala ng taniman ng pagkain. Ito rin ang pinaghihinalaan dahilan kung bakit nasira ang mga planetang nakapalibot sa araw. May mga buhay naman daw talaga noon sa bawat planeta, pero dahil mahal nila ang mga mineral at iba pang deposito sa kanilang lupa, dumami ito ng dumami hanggang nasikil na sila. (pakana ko lang yan)
haha. ang sa akin lang naman dapat sustainable. ‘yong kukunin ang deposito ng ginto na hindi naisasakripisyo ang kinabukasan.
noted
kuya alvin, ang ganda naman ng tula mo. makakalikasan. makamundo!
di nga tacio, baka bola lang yan ha.
totoo nga.makamundo talaga ang tula mo.haha
parang bastos ata.
haha. di naman. tinagalog ko lang ‘yong earth.
Maganda ang iyong obra! Maganda ang mensahe ng iyong tula.Dapat talaga nating pahalagahan ang ating kaliksan. Isa kasi akong dating aktibo sa Junior Rotary Club Davao Chapter kung saan hangarin ang pagpapanatili ng kaayusan at kalinisan ng kalikasan…
sana may matapos tayong gawain para sa kalikasan, di ba nakakasawa ang awa, plano at pangarap lang, kailangan na nating kumilos. kung sabagay noon pa naman tayo kumikilos, ewan ko lng kung bakit wala tayong natatapos, dahil kaya sa jueteng? hay
salamat sa pagdaan, pwedi din ba akong magrequest?
Hahaha anong request? lol.
pantalong Jag, size 32. lol
Yon bang binubungkal na lupa dahil sa pagmimina, ibinabalik ba yan? Hindi ba isa sa dahilan ng soil erosion ‘yan?
tama ka. ang natangal mo na ay hindi mo na maibabalik sa dati, mangyari mang muli, siguradong mahina na ang pundasyon, ngunit sa tinatawag na reporestation habang at pagkatapos ng pagmimina ay inaasahang magkakaroon ng muling buhay. Ang bawat kumpanya ay may mga inyinhero para sa pulusyon at mga opisyales na mamununo sa mga posibleng mangyare.
ang galing! mukhang mas mahusay ka nang gumawa ng tula kaysa kay Mr. Agdipa
hahahaha napakaloko mo, isusumbong kita.
ayun oh.. ang galing
tama lahat ng sinabi mo sa tula..
kung tao ang nagwasak tao rin ang sasagip
sana mag umpisa ito sa sarili naten
napakagagandang tula pinaka gusto ko ang pangatlo
salamat sa pagbasa mo at sa pagsasabing nagustuhan mo ang pangalo, hindi ko na nanaising maging mulat ang tao, dahil naniniwala akong matagal na tayong mulat.
Wala kong masabi. hihi. ang galing! 🙂
Goodluck kuya Alvin! 😀
salamat po
sa galing at aral na makukuha sa tula na iyong nilikha,
siguradong ito ay tama akma tugma makata…bow
salamat ='(
paNALO na to alvin!! tulad ng dati!
weh di nga, magaling kaya ung kalaban kong hamster.
galing naman ng tulang to.. oo nga naman.. mayaman talaga ang bansa natin.. parang ginto.. kaya lang kasi ang problema nauubos na ang mga ginto natin.. hehe
oo nga e nauubos pero kailangan pa ding linangin, hindi mayaman ang isang bansa kung hindi nililinang ang likas na yaman nito. kaso lang kailangan pa din ng responsableng pamamaraan.
hello po… visiting your blog…
by the way pde p bng mkipg link exchange? kung ok lng po… slamt
tnx din
wala akong masabi livingstain. ngayon lang ako nakadalaw ipagpaumanhin mo.. galing galing naman..
oo nga, akala ko nga ikaw ang mauuna e. pero ok lang nanjan ka naman na.
ewan ko ba bakit parang di ito nalink sa akin.. lagi naman akong update sa lahat pwera lang doon sa mga blogspot at dumadotcom na bloggers. hehehehe. the rest ok naman kaya nakakabase. napansin ko yung mga highlights di ko lang kinomento. pero astig nito… panalo kumbaga. kita kits ha…
dadating ka ba sa awards nyt? ako depende… hehehe
makakaasa ka pupunta ako.. wag ko lang maklimutan.. hahaha
maganda yung ginto, Alvin, niceness ng pagkakabuo, acronymn,, natawa lang ako sa ginawa kong pagbasa kasunod na tula… i-a-t-k-d … hehehe, nang mapansin kong ala naman palang ibig sabihin un… hahaha!!! pero kool nung hamon, award award ka nito sa malamang… hehehe…
o ayan as i promised, i’ve already added you sa mga bibisitahin ko lagi lagi…
-maskara.
WOW at isa pang WOW, antagal ko ng naghihintay ng kahit isa man lang na magcocomment dun sa acronym ko ng GINTO, ikaw lang ang nakapansin, salamat, aba hindi madaling gawin yun ah…
Galing SALAMAT.
nyek?..obvious kaya?.. hahaha!!! sibguro hindi lang nila, kinomentan pero malamang nabasa din nila yun.. neyehehe…
salamat, un na nga obvious na wala pang nakapansin bukod sayo.
wow! kulit naman un.. wehehehe, basta maganda na yung tula mo… panalunin mo na lang kami.. tulad nga ng sabi ni miss anini.. wehehehe…
Panalo na ba Sir?
malapit na.
ang ganda naman ng tula. inggit me much.
nice one.
pero kelangan mo pa ba manalo?
yung header mo o, boracay ata yan…
amin na lang!
hakhak!
wag kang mainggit madami ka din namang talents e.
I think it takes talent to write stuff that rhymes, not me, patay tayo diyan, but these poems have structure and if you win, then you deserve it
Good Luck! 🙂
Awesome web site, I had not come across livingstain.wordpress.com previously during my searches!
Continue the superb work!
ayan gising na ako uli alvin kse ginising mo ako at ng aso ko hehehe
musta na ang bagong pet/aso mo may name na ba?
Pingback: Ako naman ang magsusulat… « HIBANG {tagni-tagning ideya}
sana marame ka pang mga tula na ma iihandug sa aming lahat thankzz!!!!!pare
sinu-sino ang mga taong yumaman sa Pilipinas tanong ko lang po ?