Hindi ko alam kung bakit masayang masaya ako kapag nakakakita ng anumang larawang nabubuo sa langit, ang buwan, mga ulap, o kaya naman ay mga ibong sabay sabay na naghahabulan sa bughaw na himpapawid. Tila sila mga naglalakihang larawan na likha ng May kapal.
Nadadagdagan ang kasiyahang ito tuwing bagong taon, ang daming kwitis na nakikipaglaro sa hangin kasabay nito ang mumunting ilaw tanda ng pagtatapos ng kanyang buhay, at pagkamangha naman ng aking mga mata. Hinding hindi ko makakalimutan noong year 2000 kung saan nasaksihan ko ang napakagandang mga ilaw sa langit. Para sa probinsyanong tulad ko ang makakita ng ganitong fireworks display ay talaga namang napakalaki ng katuwaan.
Ngayong nakatira na ako dito sa Maynila at ng mabalitaan ko na may gaganaping International Pyromusical Competition sa Mall of Asia, hindi ko iyon pinalampas at dali dali ko itong pinuntahan kasama ang aking honey bunch suger punch pampiyam piyam…
Narito ang mga larawan na kuha sa nasabing event. Ang mga ito ay kuha ni Mel Lavaida.
Ang makapanood ng ganitong mga kaganapan ay isang napakagandang karanasang hindi matatawaran.
About A Living Stain 
sanay ka kasi sa baby rocket